nyangdhak lelagon sore
pirang-pirang taun kepungkur

sore-sore kaya ngene iki
mungkin sliramu wis nyiapke wedang
utawa janganan kanggo mengko bengi
sinambi ngemong bocahmu sing lagi lucu-lucune

yen wus rampung
nyawang foto nang kamar ngarep
wong loro sing dipacaki jawa

sedela-sedela ngungak
apa segane wus taneg tenan
ben wetenge ora mules amarga sega atos

sore-sore kaya ngene
aku mung ngetik nang ngarep komputer
lan mbayangke sliramu nyawiske panganan kanggo bojomu,
sing jelas-jelas dudu aku

langit katon klawu lan gludug sedela-sedela njawil kuping. nanging tetep wae durung udan. kamangka panase wus ngampak-ampak, rasane ora kuwat.

awak isih lungkrah, lan aku bingung arep ngapa. mikir demo bbm lan tdl? males. mau nalika mlangkah mlebu pasar festival, ana sak perangan mahasiswa demo nang ngarep regol ngarep. aneh, demo kok nang mall... aku sengaja milih dalan ngisor, embuh ngapa kawit kerja aku rada sepet nonton wong demo.

aku simpati yen demone simpatik. nanging yen ngawur lan anarkis, tak pikir wong-wong kuwi ora ana bedane karo sing padha korupsi nang gedung-gedung ac kae. apa maneh yen wis njaluki duwit nang ndalan-ndalan. mending tak wenehke wong ngemis sing katon kesrakat utawa wong ngamen. luwih jelas...

langit isih klawu. lan aku ora mudeng ngapa tetep durung udan. hawa panas nyebr tekan ngendi-endi. sak engga awakku sing isih ringkih amarga lara krasa sengsara.

link lumayan...write the web

jebule aku kena tipes. ora enak tenan. larang lan nyiksa. untung wae aku diopeni ponakanku, si wahyu, lan bojone, sidiq. dadi ana sing nggaweakke aku bubur lan ngresikki yen aku muntah pendak wengi. balung rasane dilolosi. mangan ra nepsu. nate aku sedina mung ngemplok telung cendok bubur. blas ra nepsu.

syukur, saiki wis mendingan ora ketung ya tetep wae isih rada-rada anget lan isih mungkin ambruk nang ndalan. wis, ya aku arep bobo...(sesuk ibu rawuh nang jakarta)

rega-rega mundak, tensiku melu mundak. 100-160. pirang-pirang dina gumletak nang kamarku sing panas lan garing. dikancani komputer lan buku-buku pating slengkrah (sing blas ora tak waca). sirah ngelu, mangan ra napsu, awak adem panas ora kenal wayah. hipertensi mari, jebul teka penyakit liya, maag...duh Gusti....

awakku nggregesi, wis kawit wingi jan-janne. mungkin aku kena gejala tipus ? apa demam berdarah? embuh. mungkin sesuk aku ra mlebu. muga-muga wae durung mati

sirahku isih mumet. wingi sedina turu thok nang ngomah, awak mriang. mungkin merga akhir-akhir iki aku kurang njaga pangan. mbuh ngapa aku lagi ora mood mangan. pokokmen kaya wong sing lagi kangen, turu ra jenak mangan ra enak. mung bedane aku blas ora lagi kangen

esuk-esuk ngobrol lewat telpon karo ponakan. masalah kawin. memang mumet tenan,,,,,

kanggo sing seneng yuna, mangga dipun pirsani gambar-gambaripun

info partai:
saiki wis ana 237 partai. okeh-okehe nggambus. yen mbiyen ana logo hambar dinosaurus. saiki ana sing funky liyane. jenenge partai persahabatan antar bangsa. logone lumba-lumba.

jeneng2 sing tak anggep aneh :

partai siliwangi indonesia (psi), partai islam radikal indonesia (piri), partai nasional indonesia – progressive (pni – progressive), partai negara pancasila (pal), partai adil makmur wasiat bung karno, partai jabal nur indonesia (pjni), partai penghubung rakyat (papera). piye? arep nyoblos endi?

entuk penugasan seka majalah sing nggambus. dikei penugasanne (tekan nggonku) wingi mbengi, deadline sore iki. kamangka, jarene fajar, tugas iki wis rong minggu. jan-janne ora patia angel. ning nganyelke. apa meneh sing diurusi masalah partai. ok bos, aku arep kerja.....

browsing nang msn masalah jodo. ana sing isa nerjemahke?



Gemini
June of 2003 will be the month that reminds you of how wonderful true love can be. Who will you get there with? Perhaps someone you initially meet during the upcoming holiday season. In fact, next summer may be warm, but for Geminis, it won't be as hot as the winter that begins the New Year. You are likely to form a tight bond with a small circle of friends this year, and any new lover you take up with will probably have many of the same interests as your pleasant new little clique.

teka nang kantor, gawean wis nunggu. dikon nang hi, liputan aa gym. males coy....

aku sok gumun, ngapa taun baru kudu dirayake? kanggoku taun anyar pancen beda, paling ora ganti kalender lan acara tv-ne beda. he..he..he..

media-media ya pada gawe kalaidoskop. nggo apa? paling wong-wong ya mung maca banjur lali maneh. menurutku menungsa luwing sering ora logis. nanging pancen urip ora kudu logis.

jumat sore, telponku nywara. radio tak lirihku lan tanganku nranggeh hp sing tak delehke ngisor kursi. nomere ra kenal. jebule masalah gawean. ana lowongan. jan-janne aku ra patia minat marang gawean nang media iki. nanging ana sing banjur tak pikirke.

apa aku arep tetep dadi juru warta sak teruse ? apa bakal isih tetep ngangsu kawruh nang panggonan gaweanku saiki ? apa sing wis tak entuki ? apa sing kira-kira bakal tak tampa saka kene?

ing gaweanku sing saiki, aku rumangsa ana sing wis tak tampa. masalah ngelmu jurnalistik. sak banjure?

aku rumangsa kaya mandek. ora ana apa-apa. ora ana sing isa gawe atiku surak-surak. lan uripku ?

jadwale ora tetep. kaya-kaya, aku dewe ora ngerti bakal nindakke apa. rinasa sangsaya dawa lan ngaluk-aluk.

nalika lulus mbiyen, aku pancen mutuske arep dadi jurnalis. ora merga aku nganggep jurnalis kuwi kepenak. ananging tak laraske karo pepinginanku, panggayuhku. aku ora bakal ngomongke masalah penggayuhku nang kene. ananging pancen yen dirasa ana urut-urutane.

rong warsa wus kliwat, lan aku isih gamang ngalaraske rasa. rasa kang katon wus keladuk munja-munja banjur surem kanti alon.

aku biasane pancen ngrancang apa wae sing bakal tak gayuh, lan wektune kapan. kabeh kudu dipremati lan, yen isa, ora usah grusa-grusu.

rancanganku, nalika arep mlebu gawean sing saiki, wus tak gayuh. malah-malah wus kebanjur keblabasen. aku pancen ora duwe pepinginan dadi jurnalis.

kadang aku sok ora enak. sak wetara kancaku lawas, yen pas ketemu, biasane ngomong yen aku konsisten. aku tetep ing jalurku seka kuliah mbiyen. konsiten marang jurusan kuliahku uga.

ananging jan-janne dudu kuwi sing dadi jalarane. aku ora isa kanda nang kene. nanging kanti ringkes, nalika aku kuliah, jurnalistik kuwi panggonanku 'mlayu'. lan apa saiki aku isih tetep arep mlayu ? kamangka sing mbiyen tansah ngoyak kuwi wus ora ana, wus kejegur kali progo lan mbuh saiki nang ngendi.

ndas mumet, awak mriang, apa sing kudu tak lakoni?

ndasku mumet. tangi kanti sirah kang abot. mau bengi ra isa turu, njajal nonton fifth element, bar kuwi tetep wae ra isa turu. akhire nerusku cerpen sing akhire rampung kanti judul "pencarian". tak pikir cerpen iki kampungan, rada nggambus lan cengeng. ning ya mending tinimbang nglangut utawa dolanan game.

nunggu gaji kok rasane suwe ya?

esuk-esuk nonton cover koran tempo minggu. rachel maryam. judule 'andai ibu tahu'. terus maca artikel selebritis teror sinambi ngombe teh. dina iki ngapa? rencanane arep kondangan kawinane kurie lan bablas badan nang omku, daerah pondok pinang.

aku pingin kangen. nanging karo sapa?